ГIирмера зударий дуьхьал бу тIамна

Масийтта бIе ГIирмерчу зудчо Оьрсийчоь шайн махкана тIелатарна дуьхьал акци дIаяьхьна Симферопол-гIалин йистехь. Украинин байракхаш а карахь уьш дIахIиттинера некъаца "ГIирма Украина ю", "Безам тIом бар дац", "Путин саца!", "Оха бераш кхиадо ирсана а, машарна а", "ГIирмера гIезалой а, оьрсий а, украинахой а цхьаъ бу" аьлла плакаташ а карахь. Цу акцин декъашхоша чIагIдора шаьш Оьрсийчоьнан агрессина дуьхьал хилар.