Iамеркан Цхьанатоьхна Штаташший, Оьрсийчоьй къовсалуш яра оршоьтадийнахь Цхьанакхеттачу Къаьмнийн организацин Кхерамзаллин Кхеташонехь, талхийна ГIажарийчоьно дуьненан низам дукха хан йоццуш баллистикан ракеташ зерца я ца талхийна бохучунна гонах. Къевлинчу неIаршкахь дIахьочу оцу къамелехь Оьрсийчоьно дIахьедина, гIажароша шайн оцу зерашца ца талхадо низам, аьлла.
Амма Iамерко чIагIдо, баллистикан ракеташа зарратан герз дIасакхачо аьтто а ло, уьш зер харцо а ю, оцу бахьанийца ГIажарийчоьнна санкцеш дуьхьалхIитто а догIу, аьлла. ЦхьамогIа Цхьанакхеттачу Къаьмнийн организацин декъашхоша харцйо Оьрсийчоь цо ГIажарийчоьнна ца догIу «адвокаталла» латторна.
Ткъа Оьрсийчоьнан оцу позицино новкъарло йо ТехIеранна низаме ялош къахьоьгучу дуьненна, боху Малхбалерчу хаамийн гIирсаша.
