"Исламан пачхьалкхан" дакъа долчу "Вилаят Кавказ" тобанан цIарах Оьрсийчуьра бакъонашларъярхой байъа аьлла кхайкхам тIехь болу видео яржийна социалан машанашкахь, хаам бо "Кавказский узело".
Цо дийцарехь, герзаца волчу 4 стага, тIехьа дIатоьхна "Исламан пачхьалкх" тобанан байракх а йолуш, кхайкхам бо Оьрсийчуьра хаьл президентан харжамаш тIекхочуш карзахдаккха бакъонашларъярхой байъа беза бохуш.
Цу наха боху, юкъараллана моьттур ду и зуламаш дарна бехке ву Кадыров а, Путин а.
Масалла санна дала до цара, дуьненаюкъаралло тидам тIебахийтина "Мемориалан" Соьлж-ГIаларчу декъан Титиев Оюбан гIуллакх.
Амма бакъонашларьярхошна иза фейк олу, леррина кечбина харц хаам бу, билгалдоккху "Кавказский узело".
