Довха худар даа а дац атта

Ахьаро йоккха меттиг дIалоцу нохчийн кхача лелорехь. Масала, ахьарх галнаш, сискал, хьовла, худар до. Масала, дуьненчу даьлла бер дуьххьара аганчу дуьллуш, ахьаран хударх яй а боккхий, лула-кулара бераш, гергарнаш чу а кхойкхий, цаьрга и доуьйтуш ламаст дара лелаш. Аьлча а, иза-м тахана а дIадаза ду, лаьмнийн ярташкахь къаьсттина. Ткъа хIинца Айзана, даза хан яьллачунна карла а доккхуш, кегийчарна дан а хьоьхуш, гойтур ду ахьаран худар муха до.