Оьрсийчура ницкъаллин структураша лоьхуш волу эскархо лорe Ямадаев Iийса лаца гIоьртина Нохчийчура цига хьажийна болу полицин белхахой.
«Росбалт» агенталло дийцарехь, нохчийн оперативан тоба гIоьртина иза дан, Интерполан кепаш а йитина.
Ямадаевга бехк кховдийна иза дуьненаюкъарчу лехаме велла аьлла сацам барца, Нохчийчура ницкъаллин структурийн белхахой тIехь болу леррина кема дахана Цхьаьнатоьхначу Iаьрбийн Эмираташка, хаам бо «Росбалто», шен хьостанна тIе а тевжаш.
Агенталло дийцарехь, уьш Дубай дIакхачале цхьа де хьалха Ямадаев дIавахана хилла цу пачхьалкхара.
