Iамеркан Цхьаьнатоьхначу Штаташа санкцеш кхайкхийначу нехан тептар юкъа а ваьккхинера иза.
Туркойчоьнан «Ени Шафак» газетано бечу хаамашца, терактан вовшахтохархо санна Iедало лоьхуш ву Чатаев Ахьмад а. Кхин а цхьана Кавказан вахархочун цIе а ю йохуш террорхошлахь хиларца. Къайлахчу сервисаша цуьнан цIе Вадинов Iусман ю аьлла даржийна.
Баккъалла а цу кеппара коьрта террорхо ву-те массара а вуьйцуш волу Чатаев Ахьмад. И хаттар делира Маршо Радионо профессоре, политикан говзанче Вачагаев Майрбеке.
