«Мемориал» бакъонашларъярхойн центро зорбане даьккхина ша политикан тутмакхаш лорчу нехан цIейоза. Цу юкъахь хIинца ву 45 стаг. ЦIейозана юкъатоьхна II стаг, ткъа хан а текхна араваларна а, кхеле а ца кхачош гIуллакхаш дIакъовларна а цу юкъара ваьккхина 6 стаг.
Керлачу политикан тутмакхашна юкъахь ву «Яблоко» партин жигархо Витишко Евгений а, «Хизб ут-Тахрир аль-Ислами» вовшахтохараллаца уьйраш хиллла а бехке бина Гарифьянов Айдар а, Кулагин Евгений а, Сатаев Расим а, Хамадаев Алексей а, ткъа иштта «Болотное дело» олучу процессан декъашхой а. Мангал-беттан I9-чу дийнахь «Мемориало» политикан тутмакх лаьрра Нохчийчохь наркотикаш лелийна а аьлла чувоьллина волу нохчийн юкъараллан жигархо Кутаев Руслан.