Оьрсийн политик, оппозицин хьалханча лаьттина Немцов Борис вина де билгалдоккхуш бара Москох цуьнгахьа хилла политикаш, цуьнан накъостий. ТIехь герзо даьккхина пхи Iуьрг а долуш бина хIоллам, Iедална цавезаш хилла политик вийна кеп гойтуш.
ХIоллам схьабиллинчу Парнас партин лидеро Касьянов Михаила хаийтира иза билла ахчанца аьтто биначийн цIерш. Гуламе веанера Iедална оппозицехь лаьттачу ницкъийн ткъеха куьйгалхо.