Оьрсийчоьнан президент Путин Владимир тIедогIучу шарахь юха а президентан харжамашкахь дакъалаца кхайкхина Кадыров Рамзана. ПIераскандийнахь хиллачу пресс-конференцехь Путина хинболчу харжамех шен ойла йовзийтинчул тIаьхьа, Инстаграмерчу шен агIонтехь комментарий йитина Кадыровс.
Цунна хетарехь, Путин «декхаре» ву юха президентан дарже хаа, и воцург хьакъ цхьа а кандидатура яц аьлла бу Нохчийчоьнан куьйгалхочун хьажам.