Ростоврчу тIеман кхело сацам кхайкхийна «Палласерчу жамаIатан» 5 декъашхочунна дуьхьал.
Уьш бехкебина Шема хьовсо, ДАIИШ-ан могIаршкахь тIемаш бан нах лехьош хиларна.
Волгоградерчу Палласан къоштахь бусалбанаш Шема хьовсо кечбеш и тоба хилар къайлахчу сервисна гучудаьлла 2016-чу шарахь, хаамбо Волгоградерчу ФСБ-н пресс-гIоьнчалло.
Иштта, лелхийтарш дан кечлуш а хилла и пхи стаг, боху оццу хьостано.
Раджабов Р., Куркумгалиев А., Абдурасулов Г., Ахетов Н.,Умаров И. аьлла бовзуьйту «жамаIатхой». Царна кхело хенаш тоьхна 2 шарера 4 шаре кхаччалц.