Нохчийчохь полицино таллам болийна Соьлж-ГIалин мэр хиллачу Кадыров Ислама лелийнарг бахьана долуш, цо нахана кхерамаш туьйсуш а, ницкъ беш а яьккхина видео гучуялар бахьана долуш. Цунах лаьцна хаам бина ЧГТРК "Грозный" телеканалан хаамашкахь.
Нохчийчоьнан коьртачу гIалин криминалан декъан хьаькаман когаметто Мутиев Саламбека бинчу хаамца, Кадыров Исламах лаьцна видео яьккхина мэран зорбан сервисо. Иза низамаш лардон органашка дIаелла "Грозный" телеканало.
Видео тIехь Кадыровс ницкъ бо цхьацца низамаш дохийна аьлла бехке бина лецначу нахана, электрошокер а етташ. Цо кхерамаш туьйсу цу нахана терроризмана ахча луш хилла аьлла, харц гIуллакхаш а кхуллуш, ша уьш чубухкур бу бохуш.
Кадыровс куьйгалла дира Соьлж-ГIалин администрацина 2012-2015 шерашкахь. Цул тIаьхьа иза вара Нохчийчоьнан куьйгалхочун а, Iедалан а администрацин коьртехь, дагадоуьйту РИА "Новости" агенталло.