Your browser doesn’t support HTML5
Рашидов Шаид. Нохчийн йоI
Шаид Рашидов
Сан нохчийн йоI
Белша тIехь кIудал ю юьзна,
Букъ лаьцна ши чIаба го.
Ши бIаьрг бу эхьаха буьзна,
Кураллин бац цхьа а чо.
Хи эцна, цIехьа и йогIу,
Оьзда ду, хаза ду куц.
Хийла кIант шовдане вогIу
Иза ган, вахь хила нуц.
ТIехь долу духар ду оьзда,
Меженаш хьулйина дIa.
Дахар цо ийманах доьзна,
Мотт лебеш латадац къа.
Ма ирсе хир вара цуьнца,
Вехаш верг, ялийна и.
Махкахь а цIe йохуш юьйцу,
Хир юй те ша саннарг кхин?