Your browser doesn’t support HTML5
Юсупов Iилман. ***
Iилман Юсупов
* * *
Сихвелла воьду хьо Iаьнца уьйр тесначу новкъа,
Мотталуш хьайн гIуллакх кIелдиса йиш йолуш дац.
Хьан когаш кIадделла, боларехь гIелъелла шовкъ а,
Ойланаш Iадаеш, угIуш ду дарделла дарц.
Шийлачу хIаваан Iаьнаро шагдо хьан легаш,
КIайн тIемаш даржийна, хьан дагтIе лахъелла Iарш.
ТIадийна каранаш дац хIинца куьйгашна мегаш,
Хьуна дан гIо доцуш, лаьтташ ю гIорийна варш.
Ма халà вогIу хьо, дуьненан бурчамийн векал,
Чаккхармийн луьрачу Iаткъамна яхь дIа ца луш.
Ахь иэсе зов доьху - хьайн лерехь гIайгIа ца еккал -
Лайн хIур бен гонаха хIумма а доццушехь гуш.
Хьан дегIах каетташ, ира мох карзахе текъа...
Цкъа, цхьанхьа мацца а хьо кхочур велахь а дIа,
Гур яц-кха цхьанна а юьхь-чаккхе ахь бечу некъан,
Хьан лараш дIайойъуш, нуй хьоькхуш, Iаш хилча Iа...