Дагестанерчу ХIинжа-Г1алахь гIаттамхой аэропорта чулилхинера, Тель-Авивера догIучу кеманахь Израилан бахархой лоьхуш. Барамашкахь зен хилира иттанашкахь наханна. Хьалхо дагестанхой маьрша митингаш хIиттон гIоьртира, амма полицино лаьхкира уьш.
Нохчийчоьнан куьйгалхочун кIантана, 15-шо долчу Кадыров Адамна ГIезалойчоьнан лараме орден йелла. И совгIат цунна дина ша республикан куьйгалхочо Минниханов Рустама. ГIезалойчоьнна хьалха хIун гIуллакхаш дина Кадыров Адама – хоуьйтуш дац.
Кадыровхоша лачкъийначу нохчийн йоьIан Сулейманова Седин тIехьийза кIанта цуьнца цхьаьнакхетархьама, бусалба дин тIеэцна. Кудрявцев Станислав Седин гергарнаш болчу ваха маьрша, шена зена доцу некъаш лоьхуш ву.
Нохчийчоьнан куьйгалхочун берийн тренеро Чимаев Хьамзата толам баьккхина Абу-Дабихь UFC-н турнирехь. Хьалхо латархочунна бехкаш дохкура Кадыров Рамзанца доттагIалла лелорна.
Палестинехьа хIоттийна митинг дIайохийна полисхоша Дагестанехь. Цул тIаьхьа Нохчийчоьнан куьйгалхочо палестинхойн къомана гIоьнна маьждигашкахь Iамалш йар хьийхира. ГIалгIайчохь бертан бIевна тIе Палестинан байракх туьйхира.
Краснодаран кIоштан Iедало «тIеман ловзарш» дIадаьхьна берийн бошмашка лелачаьрца. Йаххьаш тIе басарш хьекхна, тIеман духар доьхначу бераша «гранаташ» кхуйсура, окоп чохь Iоьхкура, герз вовшахтаса Iамийра.
Францехь ГIалгIайчоьнан вахархочо Могушков Мохьаммада уьрсаца тIелатар дина школера хьехархочунна: полисхойн тергонехь хилла Францихь Могушков "радикалан исламехьа" хиларна, йаздо меттигерчу зорбанаша.
Оьрсийчоь Украине чугIортарехь дакъа лецначийн цIерш техкина Дагестанерчу 27 школана. Иза Оьрсийчохь уггар доккха терахь ду. Оцу кепара 143 школа йу республикехь – меттигерчу Iедалан официлера терахь ду иза байначу баттахь довзийтина.
Радикалан ХАМАС тобано Израилан дозанна тIелатар дича, Нохчийчоьнан куьйгалхочо Кадыров Рамзана дIахьедина, "ша массо а агIор Палестинехьа ву" аьлла. Политологна Преображенский Иванна хетарехь, Нохчийчоьнан куьйгалхочо дIалаьцна агIо.
Нохчийчоьнан куьйгалхочо Кадыров Рамзана «Доьналлин орденца» совгIат дина республикерчу Курчлойн кIоштан полицин декъан куьйгалхочунна Агуев Рустамна. И Оьрсийчоьнан МВД-н дакъа 2022-чу шеран заздоккху-баттахь дуьйна адамийн бакъонаш хьешарна Американ санкцийн тептарехь ду.
Кубанехь ЧВК «Вагнеран» куьйгалхочун Пригожин Евгенийн хилла бахам бухкуш бу. Геленджикана уллора хIусам йухкуш йу «Iаьржа хIордан йистера садоIийла» йолуш санна.
Нохчийчоьнан куьйгалхочун йоккхаха йолу йоI, 24 шо долу Кадырова Iайшат, меттигерчу Iедалехь вице-премьер хIоттийна. Цо социалан блоках жоп лур ду аьлла, дIахьедина цуьнан дас.
Хьажа кхин дIа а
