Нохчийн-гIалгIайн дозанах болу къовсам листина Конституцин кхело

Оьрсийчоьнан Конституцин кхело листина Нохчийчоьнан а, ГIалгIайчоьнан а доза билгалдоккхуш бина барт мел богIу низамца, аьлла, ГIалгIайчоьнан куьйгалхочо Евкуровс чуделла дехар. ЛадегIаршка кхачаза бисира иттаннаш гIалгIайн жигархой. Царна хетарехь, Iедало дерриг а дира уьш кхелан процессе ца кхачийта. Кхеле нах чубуьтучу бюрона гергахь полицино лийцира карахь «Халкъан лаам бу низам» аьлла плакаташ долу нах. Мегаш доцчу меттехь некъ хадорна бехке бира уьш.