Кадыров Адам ТIеман министраллин батальонан куратор хIоттийна

Нохчийчоьнан куьйгалхочун воI Кадыров Адам Оьрсийчоьнан ТIеман министраллин батальонан куратор хIоттийна, и дарж цунна делла иза вина де тIехдаьллачул тIаьхьа – лахьан-беттан 24-хь цуьнан 16 шо кхечира. Кху аьхка Кадыров Адама йиттира КъорIан дагорна лаьцначу Журавель Никитина. Цул тIаьхьа цхьа могIа совгiаташ делира цунна, шен ден кхерамзаллин декъан коьрте а хIоттийра иза.