Азимова Сийлаха

Украинин Iедалхойн хьесапехь, Оьрсийчоьнан тIеман ницкъаш царна дуьхьал агресси ян кечлуш бу

Вуно чолхе лаьтта Украинера хьал кху деношкахь. Къаьсттина ГIирма ах-гIайренна гуонахь лаьттарг. Шина декъе екъаелла и ах-гIайре, - Оьрсийчоьнан агIончашний, Оьрсийчоьнан тIеIаткъам шайн махкахь хила ца луучарний. ТIаьххьарчу хаамашца, пIераскан дийнахь иттех оьрсийн биркемано хадийна Украинин хIаваан доза, ткъа цигара кеманийн порташ жимма хьалхехьуо оьрсийн эскархоша дIалаьцнера.

Австрера кхин цхьа нохчо кхелхина Шемахь гIаттамхойн могIаршлахь

Кхаа шарахь сов дIабоьдучу Шемарчу тIамехь дакъалоцуш, тайп-тайпанарчу хьостанашца, масех бIе нохчий жима стаг ву. Царех кхелхинарш хIинцале иттанашкахь бу. Нохчийчуьра хилла а ца Iаш, Европе мухIажарш бевлла дIабахначу вайнахах а бу, Шемарчу тIамех дакъа лоцуш дуккхаъ кIентий. Царех рогIениг вийна аьлла кхаъ кхаьчна, Венехь бехачу цуьнан гергарчу нахе.

Нохчийн а, гIалгIайн а къам дохор дагалоьцуш цхьаьнакхетарш дIадаьхьира Европера вайнаха

1944-чу шарахь къам, дохийна, махкахдахар адамийн эсара дайина, дIадаккха оьрсийн Iедал а, церан гIоьнчаш а гIертарх, амма и бохам биц ца бо нохчаша, шаьш миччахь бехахь а. Европехь кху деношкахь массо а аьлча санна яккхийчу шахаьаршкахь дагалийцира цигарчу вайнаха вай дIадохор а, цу бохамо вайнахе кхачийна хилла Iазап а.

Нохчий бохийна Сибрех бахийтар дагалаьцна Малхбузерчу Европехь

ТаIзар ца деш буьтур бац Европо Украинехь адамаш дайарна бехкенаш

Украинехь Майданерчу дуьхьалончашна ницкъ барна бехкечу Iедалхошна дуьхьал санкцеш яр толлуш бу Евробертан пачхьалкхийн арахьарчу гIуллакхийн министарш.

Украинерчу хьоло сингаттаме йожийна дуьненаюкъаралла

Украинерчу Iедалхошка а, дуьхьалончашка а цIий Iанор сацаде аьлла кхайкхамаш беш ю Евробарт а, Цхьанакхеттачу къаьмнийн юкъаралла а.

"Макондо" - нохчийн доьзалан керла хIусам

Кхушарахьлерачу 64-чу Берлинерчу кинофестивалан программехь гайтинчу „Макондо“ цIе йолчу фильмо вуно боккха Iаткъам бира хьовсархошна. Австрехь бехачу нохчийн мухIажарийн дахарах йолчу цу фильмехь цхьа а профессионалан актер вацара, беккъа мухIажарш бара.

Къамелаш деза дара, мидалш кIезиг ю оьрсийн олимпхойн

Мехкарийн «Тату» тобан «Уьш тхуна тIаьхьа кхуьур бац» йиш Сочехь олимпиада схьайоьллуш курра лекхнехь а, аьтто бац цкъачунна Оьрсийчоьнан спортхошкахьа. Алссам дешин, детин, йоьзан мидалш яьхна шена луларчу Карелел а бен йоцчу Норвегино.

Олимпиада ларъеш, нохчий лоьцу Европехь

Оьрсийчохь дIахьочу олимпиадах бала хилла нохчашна, шайн цIахь хьонке ца бахийтарна тIера Европехь лецарна тIекхаччалц. Австрехь, Францехь, масала, лаьцна иттех стаг, уьш Сочи терроран тIелатар дан кечбелла аьлла Кремлан векалша дIасахьийсийначу орцан хаамашца.

Австрерчу Олимпан тобанарчу спортхошна кхерамаш тийсина, Сочехь уьш бовдор болуш бу, аьлла

Сочера Олимпан ловзарш дIадоладала ши де дисинчу хенахь, ловзаршкахь кхерамазалла ларъйарх долу дийцарш жигара девлира. Австрерачу Олимпан тобанарчу спортхошна, масала, кхерамаш тийсина, Сочехь уьш бовдор бу аьлла. Цу хиламо кхин цкъа а караладаьккхина иштта а дуккхаъчу нехан шеконаш кхуллуш долу хаттар – тешаме дуй-те спортхошна а, хьешашна а Соче бахар?

Сочи - Оьрсийчуьра хьолан куьзга

Оьрсийчуьра политикан хьолан куьзга санна лору Малхбузерачу тергамхоша цигахь кеста дIахьон долу Олимпикан ловзарш. Цу пачхьалкхарчу коррупцийн а, адамийн бакъонаш хьешаран а, Iедалан сонталлийн а масалаш го царна цу спортан хиламехь.

Украинера хьал дийцаре дина Мюнхенехь

Нийса бIостанехьара бу Малхбузенан, Оьрсийчоьнан Украинерачу дуьхьалонан акцешка а, Iедалан леламашка а болу хьежамаш. Иза кхин цкъа а малхаделира Мюнхенехь дIаяхьанчу Дуьненаюкъарчу кхерамазаллин конференцехь.

Дуьненчохь бехачу нахах ах а бац шаьш бехачу пачхьалкхашкахь шаьш ирсе хеташ

ХIун оьшу нахана шаьш бехачу мехкашкахь ирсе хила? Цу хаттарна жоп лоьхучу дуьненаюкъарчу Gallup цIе йолчу талламийн агенталло хеттамаш дIабаьхьира 65 пачхьалкхехь, 70 эзар стаго дакъалоцу талламехь. Гучудаьлларг – итт а стагах виъ бен вац ша вехачу махкахь шен Iер-дахарна реза.

ТIеман зуламхойн доьхна доттагIалла

ХIаагерчу Дуьненаюкъарчу трибуналехь шаьшшиъ лаьцначул тIаьхьа дуьххьара вовшашкхийтира бусулбанаш байъарна бехкевеш волу ши тIеман зуламхо – Младич Раткой, Караджич Радований.

Шема тIаме баха хьаьгнарш

Ткъех шо ду Нохчийчохь пхийттара ваьлла кIант кхиинчу нанна сингаттам дагчуьра дIа ца болу. Иза Iедалхоша я эскархоша харцонца хьовзорна кхоьруш, я лаьцна, дIавигара кхоьруш, дIавигинчуьра тIепаза варна кхоьруш, я Iедалхойн а, эскархойн а харцонаш ла а ца лайна, и кIант ша тIемалойх дIакхетта, хьаннашца я лаьмнашца дIавахар кхоьруш кхиош ду нохчийн наноша шайн божабераш.

Боккхачу бохамна гергаяхана Украина

Украинехь цхьана агIор, протест йижо гIерташ, низамаш чIагIдан гIаьттина парламент, вукху агIор Европах дIаэн ца туьгу шайн махкара Iедал къардан гIерта гуламхой. Хьал ду девне дирзина - Iаьнна дуьххьара цIий. Вийна 3 протестхо...

Берийн дуьхьа ша-дерриг

Кху кIиранахь Маршо радионо дийцаре деш ду Европехь бехачу цхьаццаболчу нохчийн доьзалшкара бераш Iедало дIа а дохий, уьш лелон резаболчу меттигерачу бахархошка дIалуш хилар. Дукхахьолехь цу берашна шайн дай-наноша етта боху бахьана хуьлу Iедало юхьаралоцург. Амма Австрехь и санна долу хIума шайна тIеIоттаделлачу нохчийн зударша дацаре до, шаьш шайн берашна йиттина хилар.

Нохчийн доьзалшкара Австрин Iедало схьадохучу берашна дола дан Iалашо ю цигарчу нохчийн

Даьржаш ду тIаьхьарчу хенахь Европехь бехачу вайнехан доьзалшкара Iедалан белхахоша цхьацца бахьанашца бераш дIа а дохуш, уьш меттигерчу бахархойн доьзалшка кхион дIадалар. Австрехь и тайпа сингаттам нохчашлахь шуьйра баьржина. ХIинца цигарчу нохчийн доьзалша гIулчаш йолийна, и вайнахера дIадаьхна долу бераш, хийрачу нахе ца кхочуьйтуш, шайн хIусамашкахь тIеэца.

Сих ма ло, яц Оьрсийчохь цхьа а демократи!

Ходорковский Михаил арахецар хIинца а Оьрсийчоьнан Iедал адамийн бакъонийн сий дан доладелла бохург дац, аьлла хеташ бу Берлинехь гулбелла хилла немцойн а, оьрсийн а адамийн бакъонашларйархой.

Вевзаш волу Iамеркера журналист Сэттер Дэвид кхин Оьрсийчу воуьйтур воцуш сацам бина Москохо

РогIерачу Малхбузера журналистана дихкина Оьрсийчоьнан Iедалша цу махка вар. Иза Цхьаьнатоьхначу Штаташкара Сэттер Дэвид ву, Маршо радион консультант санна бох беш волу. Амма Сэттер Дэвид дуьххьарлераниг журналист вац Оьрсийчоьнан Iедало некъ бихкина верг.