РУБРИКАШ

ЦIеххьана кхаьчна хаам!

Шамаев Руслан

Автор Шамаев Руслан

Дечкен-бутт 14, 2014
23 шо хьалха Дудаев ЖовхIара КГБ-х кIелхьарваьккхира Ельцин Борис, ткъа Прибалтикера мехкаш - советан эскарх

Ткъе кхо шо хьалха Прибалтикерчу кхаа пачхьалкхо шаьш йозуш йоцуш хилар дIакхайкхийча царна дуьхьал даьхнера Кремло шен эскарш. Литван коьртачу гIалахь Вилнюсехь цара вийра машаре демонстраце араваьлла 13 стаг. Таллиннехь цу тайппа цIий Iанор сацо аравелира Тартухь дIатардинчу Советан эскаран декъан буьйранча Дудаев ЖовхIар. И бахьана долуш тахана а нохчийн инарлан цIе сий дарца йоккху Эстонехь.
Дечкен-бутт 06, 2014
Нохчийчура талламан комитетан куьйгалхо Девятов Сергей хIоттийна президента Путин Владимира

Оьрсийчоьнан таламман комитетан Нохчийчохь йолчу урхаллан керла куьйгалхо хIоттийна Оьрсийчсоьнан президенто Путин Владимира. Иза ву юстицин инарла-майор Девятов Сергей.
Дечкен-бутт 03, 2014
ТIех хьал долчу 300 стеган хьал-бахам кхин а стамбелла

Кху дуьнентIехь вехачу 300 тIех хьолахочуьнан бахам стамбелла цхьаъ ах триллон долларна. Цуьнах лаьцна хаам бо Iамеркерчу Bloomberg-агенталло.
Дечкен-бутт 02, 2014
2014 шо: Iилманан а, технологийн а декъехь 10 мехала хилам

«Керла Iилманча» журнало зорбане яьккхина Iилманан а, технологийн а декъехь 10 хила мегаш болу хилам буьйцуш язйина цхьамогIа артикл. Журналан белхахоша шайн тидам тIебахийтина космосна а, «Малхбале» Iоманна а, Homo Erectus олучу геномана а, Google Glass цIе йолчу «хьекъале куьзганашна" а.
ГIуран-бутт 31, 2013
Димаев Iела: Керлачу шарца, вайнах!

ГIараваьллачу композиторо а, илланчо а Димаев Iелас Маршо Радион Керлачу Шарна хьажийначу программехь дакъалацар цхьа ша кепара ламаст а хилла дIахIоьттина. Димаев Iелас баьккхина бу тхан программаш йолалуш оха лелош болу дуккха а ладогIархошна безабелла томе мукъам.
ГIуран-бутт 30, 2013
Да ца ваьлла Волгоградехь динчу лелхийтарийн

Лаххара 14 стаг вийна Волгоградехь троллейбус эккхийтина. Чевнаш йина ву 23 стаг, шайна юкъахь цхьа шо долу бер а долуш. Талламхоша чIагIдарехь, и эккхийтар динарг ву Iожалхо.
ГIуран-бутт 26, 2013
Делах тешарш алсам бовлуш бацахь а, националистийн могIарш стамлуш ду Оьрсийчохь

ТIаьхьарчу хенахь дуккха а гайтамашца Оьрсийчохь алсамбевлла националистийн ойланаш йолу нах. Иштта «Левада-центро» бинчу талламца, карарчу хенахь кхечу къомах болчу нахе мостагIалла дуй хьан аьлла хаьттича, 39 процент Оьрсийчура бахархоша жоп делла, наггахь хилахь а, хуьлу шайн иза аьлла.
ГIуран-бутт 13, 2013
Бахархошна кхерамаш туьйсуш ву Нохчийчура полисхойн хьаькам

Нохчийчура бахархошна кхерамаш туьйсуш ву чоьхьарчу гIуллакхийн министран хьалхара когаметта. YouTube-хь гучуяьллачу ши минот ах минот йолчу видеоклип тIехь Алаудинов Аптис дIахьедарш до, шена елла бакъо ю жимма а "вахIабхочух" тера волу стаг дIалаца а, ве а, бохуш. Цул сов, цо кхерамаш туьйсу бахархошна, Iедална критика йинчу стагана таIзар дан. Цу хьокъехь материал кечйина Маршо Радион корреспонденто Сыновец Рона.
ГIуран-бутт 12, 2013
Федералан Гуламе шеран коьрта дIахьедар дина Оьрсийчоьнан президенто

Федералан Гуламе шеран коьртан дIахьедар дина Оьрсийчоьнан президенто Путин Владимира. Цуьнан 10-гIа дIахьедар дара иза. Цуьнга ладогIа кхайкхина вара 1100 гергга стаг. Иза дан ГIуран-беттан 12-гIа де харжар ларамаза дацара. Оьрсийчоьнан берриг а бахархоша кхаж а тесна, мехкан конституци тIеэцна нисса 20 шо кхаьчна цу дийнахь.
ГIуран-бутт 11, 2013
Дарба доцу цамгар кхеттачунна дика меттиг яц Оьрсийчоь

Дарба доцу цамгар кхеттачу стагана лазар лахдон молха даларна лор кхеле озийна Оьрсийчохь. Маршо Радион корреспонденто Бигг Клэра дийцарехь, цу хиламо гучудаьккхина Оьрсийчохь баларчу бирзинчу нахана гIо дар дукха ледарчу тIегIантIехь хилар.
ГIуран-бутт 10, 2013
Москох митинг хIотто дагахь бу Къилбаседа Кавказерчу юкъараллийн жигархой

Оьрсийчоьнан Iедалша дIахьош йолчу къаьмнийн политикана реза боцу Къилбаседа Кавказерчу юкъараллийн боламийн жигархой митинг хIотто дагахь бу Москох. Цуьнах лаьцна Маршо Радионе хаам бина и акци кечйеш болчу Дагестанерчу юкъараллан жигархочо Абакаров Абакара. Цо дийцарехь, митинг хир ю кху беттан 20-чу деношкахь.
ГIуран-бутт 09, 2013
Сочера Олимпиада тIекхочуш Къилбаседа Кавказера рогIерчу республикан куьйгалхо хийцина Кремло

Оьрсийсоьнан президенто Путин Владимра хенал хьалха даржера дIаваьккхина ГIебартойн-Балкхаройчоьнан куьйгалхо Коноков Арсен. Цуьнан метта хIоттийна чоьхьарчу гIуллакхийн министраллан белхахойн говзалла лакхаяккхаран Ерригоьрсийчоьнан институтан хьаьким Коков Юрий.
ГIуран-бутт 05, 2013
Каляпин Игорь: Нохчийн юкъаралла дийна ю бохучух шеко ю сан

Нохчийчохь тахана хоьттинчу хьолах лаьцна дуьйцуш ву Оьрсийчура «Адамашна ницкъ барна дуьхьал йолчу комитетан» куьйгалхо Каляпин Игорь.
ГIуран-бутт 04, 2013
Нохчийн депутато Делимхановс шена тоьхна аьлла, латкъам бина депутато-патриото Журавлевс

«Цхьааллин Оьрсийчоьнан» фракцин депутаташ Журавлев Алексей а, Делимханов Адам а летта Пачхьалкхан Думехь. ХIинца и гIуллакх толлур ду этикехула йолчу Думан комиссино. Уггаре а луьра таIзар цу тайпа лелар долчу депутаташна парламентан кхеташонашкахь вистхилар дехкар а, бехкеверг емал вар а ду.
ГIуран-бутт 03, 2013
Каляпин Игор: Бобров ца тайна Нохчийчура ницкъаллин тобанийн хьаькамашна

Оьрсийчоьнан президенто Путин Владимира даржера мукъаваьккхина 8 бутт хьалха Оьрсийчоьнан Талламан комитетан Нохчийчухула йолчу урхаллан куьйгалхо хIоттийна хилла Бобров Сергей. Билггала долу бахьана хууш дац, амма цхьабочу хаамашца, цунна реза боцуш хилла Нохчийчура ницкъаллин структурийн хьаькамаш а, цхьацца Iедалхой а.
Лахьан-бутт 21, 2013
Освалд Ли ХIарви вевзаш хилла Яхлиел Инесса ца теша цо Кеннеди вийна бохучух

Лахьан-беттан 22-чу дийнахь 50 шо кхочуш ду Далласехь Iамеркан президент Кеннеди Джон вийна. Иза вийнарг лоруш ву Освалд Ли ХIарвей. Ши шо сов даьккхина цу стага Советан заманахь Iамеркера ша веддачу хенахь Беларусин коьртачу гIалахь Минскехь. Яхлиел Инессана вевзира Осваль Ли ХIарви иза Прусакова ялийна а волуш. Яхлиела дагалоьцу и хан Маршо Радион корреспондентана ша еллачу интевьюхь.
Лахьан-бутт 20, 2013
Путине леткъамаш бо гIалагIазкхаша

Цхьанаметта кхо кхайкхам хьажийна Оьрсийчоьнан президенте Путин Владимире цу пачхьалкхан къилбехь бехачу гIалагIазкхийн атаманаш. Цара доьхург ду Къилбан а, Къилбаседа Кавказан а федералан гонийн чулацам хийцар. ГIалагIазкхийн атаманашна хетарехь, Ставропол-мохк цхьамогIа бахьанашца юкъарабаккха беза Къилбаседа Кавказан федералан гонна.
Лахьан-бутт 15, 2013
МаслаIатан а, девнен а гимнаш

1995-чу шарахь аьхка дара иза. Ларамаза Москохара Минводы догIучу кеманчтIехь цхьаьна нисвеллера со Кремле а бахана, Ельцин Борисаца барт а бина, цIа богIучу гIалагIазкхийн атаманашца а, царна улле бевллачу шира паччахьан армин эскархойн кителш а, советан армин хечаш а йоьхна, бутофорийн тарраш а, шайн дайн хилла мидалщ а оьхкина болчу церан цуьхьаршца а.
Лахьан-бутт 13, 2013
ГIубанан гIалагIазкхийн гимнехь "басурманин" хьехор цатайна Дагестанан куьйгалхошна

Краснордаран мехкан гимн экстремизман чулацам болуш ю-яц къастаде аьлла, дехар динера кху деношкахь Дагестанан куьйгалхочо Абдулатипов Рамазана. ХIинца Оьрсийчоьнан Къилберчу лингвистийн экспертийн ассоциацино толлур ю цу гимнан текст, цу юкъахь къаьмнашна юкъахь цабезам кхуллуш дешнаш ду-дац хьожуш.
Лахьан-бутт 12, 2013
Министр Алханов Руслан шена Iаткъам бан гIоьртина боху суьдхочо Абубакаров ВахIида

Лахьан-бутт болалуш 28-шо долчу Эдигов Сулейманан дов луьстуш волчу Нохчийчоьнан Лаккхарчу кхелан суьдхочо Абубакаров ВахIида сацам бина цу девнна юкъаравала. Абубакаровс дийцарехь, цунна телефонехула Эдигов бакъван мегар дац аьлла, кхерам тесна Нохчийчоьнан чохьарчу г1уллакхийн министр ву ша аьллачу стага. И бахьана долуш, ша муьлхха а сацам т1еэцча а, иза нийса бац аьлла, шеко кхоллалур яра бохуш, дуьйцу ша динарг бакъдеш суьдхочо Абубакаровс.

Хьажа кхин дIа а

XS

SM

MD

LG