Пачхьалкхан думан депутатана Делимханов Адамна Оьрсийчоьнан Турпалхочун цIе елла президента Путин Владимира. Нохчийчоьнан куьйгалхочун Кадыровн Рамзанан гергара стаг ву Iедалхо, биллинчу хаамашца а догIуш, Мариуполерчу тIеман тасадаларашкахь нохчийн эскархойн дакъойн куьйгалла деш ву иза. Кхин а муха вевзаш ву Делимханов?
Кадыров Рамзанан долахь мел лахара а ах миллиард соьманна куьйга духкучу сахьтийн коллекци ю. Нохчийчоьнан куьйгалхо тIехь волу сарташ а, видеош а толлуш къаьстира и хаам оппозицин политикан Навальный Алексейн тобана.
Украинан армино ларъеш йолу «Азовстальна» дан долийна тIелатар сацийра Оьрсийчоьнан президенто. Ткъа Нохчийчоьнан куьйгалхочо бутт хьалха дIахьедира завод «схъа а яккхина, дIацIанйина» аьлла. Путин Владимиран омрано юха а рогIера шеконаш тийсира Кадыров Рамзанан дIахьедаршна.
Украинан президентан офисан хьехамчас кадыровхой олучийн тIамна пайде цахиларх дIахьедина. Оцу тIехула, Арестович Алексейс чIагIдарехь, Киевна гергахь Оьрсийчоьнан тIелатар доьхначул тIаьхьа Нохчийчоьнан куьйгалхочун Кадыров Рамзанан "тамбоцу" къамел хилла Оьрсийчоьнан президентаца Путин Владимирца.
Нохчийчоьнан куьйгалхо Кадыров Рамзана Украинан президент Зеленский Владимир вен дагахь хилла аьлла дIахьедина Украинан къоман кхерамзаллин Кхеташонан урхалхочо Данилов Алексейс. Цо чIагIдо, Оьрсийчоьнан президентаца Путин Владимирца хиллачу цхьанакхетарехь Зеленский вен Кадыровс тIелаьцна хилла аьлла. Информаци бакъ юй хьажа аьтто бац тIеман хьелашкахь.
Оьрсийчоь Украине чугIоьртинчу юкъанна шайлахь дуккха а белларш а, лазийнарш а хиларах дIахьедира Нохчийчуьра эскархоша. Амма Нохчийчоьнан Iедало ши эскархо валар бен бакъ дина дац.
Нохчийчоьнан куьйгалхочо Кадыров Рамзана кхайкхамбина Оьрсийчоьне, Украинаца дийцарш ма доладе аьлла. Цо дIахьедира, ша «ца кхета, хIунда оьшуш ду цаьрца дийцарш дан».
Нохчийчуьра схьаваьллачу 20-шо долучу Украинан вахархочо Саидов Адама дIахьедина, къайлахчу сервисаша ша «лачкъийна» бохуш, шен дас, ГIирмехь волчу Нохчийчоьнан куьйгалхочун векалан гIовсо Саидов Мурада дина дIахьедар – харц ду аьлла.
Нохчийчоьнан куьйгалхочуьнца конфликт хиллачул тIаьхьа Оьрсийчоьнан президентан пресс-секретарьна Песков Дмитрийна телефонехула кхерамаш тийсина бохуш яздо "Медуза" ресурсо, хьостанашна тIе а тевжаш.
Хьажа кхин дIа а
