Кхарачой-Чергазийчуьрчу жигархочунна полисхойн декъехь таIзарш дира, цо украинхойн маттахь илли аларна.
Нохчийчоьнан куьйгалхочо Кадыров Рамзана кхайкхам бина Украинехьа тIом беш болчу нохчийн батальонийн тIемалошка. Официалерчу телеграм-каналехь зорбане яьккхинчу видео тIехь Кадыровс юха а дехар дира, совгIатна дуьхьала церан буьйранчийн болу меттиг хаийта аьлла.
Оьрсийчоьнан Къилбера а, Къилбаседа Кавказера а 601 вахархо вийна Украинерчу тIамехь. Тайп-тайпанчу хьостанашкара хиина церан цIераш Кавказ.Реалиин редакцина. Бакъдолу эшамийн терахь дуккха а лакхара хила тарло.
ТIаьххьарчу ялх шарчохь дуьххьара толлуш ду Нохчийчохь тIамера вадарца доьзна бехктакхаман гIуллакх. Бехке вийриг Гучигов Зелемхан ву, Мангал-беттан ялхалгIачохь Соьлжа-ГIалин гарнизонан тIеман кхелехь луьстур ду цуьнан гIуллакх. Украинерчу тIаме ваха дуьхьал валарца доьзна хила тарло иза.
ТIаьххьарчу деношкахь хиъна Украинерчу тIамехь вийначу Нохчийчуьра шина эскархочух а, пхеа ницкъахочух а. Журналисташка а бакъонашларъярхошка информаци схьакхочу шайн хьостанашкара - байъиначийн бакъдолу терахьаш нохчийн Iедал къайладахьа гIерта.
«Шун эпилепси а, къуркъал а, гоьта-лазар а, простатит а елахь – дага а ма даийталаш кхуза дахка». Оьрсийчоьно Украинаца бечу тIаме лаамхошна дIаязбала агитаци ечу, Iедална муьтIахь йолчу телеграм-каналера дешнаш ду хIорш.
Нохчийчуьра Украинана дуьхьал тIом бан хьовсийначу ши эзар ах эзар кадыровхошна а, "лаамхой" олучарна а юкъахь бу шогачу зуламашна таIзарш динарш а, набахтехь яккха тоьхна хан чекхъялаза нах а. Украинхойн талламчаша церан цIераш тIехь зорбане даьккхина тептар зийра журналисташа.
Къилбаседа Кавказан республикашка тоннашкахь хетарехь Украинера лечкъийна хIуманаш кхехьийтина Оьрсийчоьнан эскархоша. "Медиазона" гIирсо бинчу, Кавказ.Реалиино теллинчу, хаамашкахь ду и яздина.
Украинана дуьхьал тIом беш хилла Нохчийчуьра масех ницкъахо вийна шайн тIеман накъосташа герз диттина. И хаам тIечIагIбйина, Оьрсийчохь дIакъевлинчу бакъоларъяран «Мемориал» центран хиллачу белхахойн тобано.
Нохчийчохь долчу Оьрсийчоьнан тIеман эскарийн 70-гIа гвардин полкан масех дакъа реза ца хилла Украинана дуьхьал тIом бан. Шаьш даим а куп тоьхна хиллачу Шела юхадаладе аьлла, тIедожийна цара. Оцу чIагIдарца дIахьедар дина Украинан тIеман министраллин таллархойн коьрта урхалло.
Дагестанан Избербаш гIалара школа чекхъяьккхина йоI массарна а хезаш, Оьрсийчоь Украине чугIортарна дуьхьал йистхилла. ТIаьххьарчу горгалина лерина линейка йоьдучу заманчохь микрофончухула тIамна дуьхьал лозунг а кхайкхош, президентах Путин Владимирх лаьцна девне дош элира цо.
19 шо долу Зелимха Хьасан (цIе хийцина ю) Австрехь вина ву, ткъа Нохчийчохь хилла а вац цкъа а, амма кадыровхойн кхерамашца Iиттавелла иза. Австрехь ехаш ю уггар яккхийчерах йолу нохчийн диаспора. Оьрсийчу нах юхахьийсорна дуьхьал сих-сиха митингаш хIиттайо Венехь.
Хьажа кхин дIа а
