Цхьанатоьхначу Штатийн Пачхьалкхан департамент: Нохчийчоь Оьрсийчуьрчу Iедалан тергонера яьлла; Европан адамийн бакъонехула кхело Оьрсийчоь декхарейина Дагестанехь вийначу шина вешин дена 120 000 евро дала; Украинехь кхело тIечIачIбина гIебартойн ММА-н латархо Оьрсийчоьне дIавала бина сацам
18 миллион соьмана эцна Mercedes-Benz машенаш совгIатна елла Нохчийчоьнан куьйгалхочо кхаа спортхочунна. Цо бахарехь, совгIаташ эца ахча делла Кадыров Ахьмадан цIархчу Фондо. Белхалойн алапашна тIера лаамза дIагулдечу ахчанашца юзуш ю Фонд аьлла, масийттазза яздира хаамийн гIирсашкахь.
Путинан харжамийн штабийн коьртехь Iийначо къайлаяьккхина шена хилла 19 миллиард са; Калининградехь гIуда тоьхна эскархошна-дагестанхошна. Деза лоручу хи чохь мачаш йиларна; хIирийн ломахь бахархоша, 5G – обеъкт ю моьттуш, ягийна зIенан бIов
Навальныйгахьа болчу нехан акцин декъа язлуш бу къилбаседа-кавказхой; "тутмакхийн элин" Солтахановн зудчо арздина, полицерчу хьаькамо кхерамаш туьйсу аьлла; школехь хьехархочунна а, берийн гергарчарна а юкъадоьлла дов луьстур ду Нальчикерчу кхело
Нохчийн диаспорина тIе куьйгаш кхехьар шаьш ловр дац, бохура Францехь протестан гуламашка бевллачу нохчаша. Цуьнан бахьана дара Бретень регионан Ренн шахьарахь Зазадоккху-беттан 17-чохь 23 шо долу Лабазанов Хьамзат вер.
ОМОНхойх тийсавеллачу Джумаев Сайд-Мухьаммадан гIуллакх Москварчу Тверскойн кIоштан кхеле кхачийна; шина вашас Талламан комитете арз дина, шаьшинна тIехь полисхоша ницкъбарх а, харцонаш лелорах а; 5 миллионан метта 30 эзар лур ду прокурор лаьттинчу Залзаевна
Псковн десантхошна тIелеттарг лаьцна Москвахь; Къилбаседа ХIирийчохь депутат вийна. Дакъа карийна Бесланна гергахь; терроризмца возавелла хила тарлуш волу 200 дагестанхо ву лохуш
Нохчийчохь кхел йоцуш байъинчу нахах "Новая газете" полисхо лаьттинчу Гезмахмаев Сулимана дийцина тоьшаллаш "туьйранаш" ду аьлла, мехкан урхалхочо Кадыров Рамзана. Материал зорбане яьккхинчул тIаьхьа Гезмахмаевн гергарчарна кхерамш тийсина, ткъа газетан редакцина Iаткъам бан буьйлабелла.
Новгородера лаьцна валийначу шина вешин 20 гергара стаг вигна хилла Iедалхоша; Европан санкцешна буханисвеллачу Висмурадов Абузайдана "Даймехкана динчу гӀуллакхашна" аьлла, совгIат дина; коронавирусна дуьхьал маха тохийтина президенто Путин Владимира
Евробарто керла санкцеш дуьхьалъяьхна Оьрсийчоьнна, Нохчийчохь Iедална дуьхьал болчарна а, ЛГБТ-н векалшна а тIехь ницкъбарна. Тоьхна дозанаш хьакхаделла Устрада-ГIалин полицин хиллачу хьаькамах Катаев Аюбах а, мехкан вице-премьерах, СОБР "Терекан" командирах Висмурадов Абузайдах а.
Царнаев Джохарна вен кхайкхийна сацам юха а луьстур бу; Нохчийчоьнан СПЧ реза яц Оьрсийчоьнан СПЧ-н комиссина; UFC-н массо а рейтингашкара дIаваьккхина Нурмагомедов Хьабиб
Хьажа кхин дIа а
