РУБРИКАШ

ЦIеххьана кхаьчна хаам!

Шамаев Руслан

Автор Шамаев Руслан

Товбеца-бутт 22, 2014
Туркойчоьнан кхерамазаллин сервисийн терогонехь а волуш, вийна Онлу Медет

Стохка Стигалкъекъа-баттахь Хонкарахь зуламхоша вийра Нохчийнн Республикан Ичкерин Туркойчохь волу лараме консул Онлу Медет. Цуьнан хIусамнанас кху деношкахь латкъам бина прокуратуре, Онлу вийна иза шайн тергонехь латтош меттигерчу къайлахан сервисийн белхахой а болуш аьлла.
Товбеца-бутт 11, 2014
Амир аш-Шишани -- гоьваьлла тIемалойн буьйранча

Кху сурт тIехь верг ву Шемахь Асад Башаран агIончашца тIемаш дечу тIемалойн буьйранча амир аш-Шишани Убу Iумар. Дукха хан йоцуш хиина и стаг къомах нохчий хилар. Шишани Iумаран бакъйолу цIе ю Батирашвили Тархан.
Товбеца-бутт 09, 2014
Терроран тIелатар кечдарна 10 шо хан тоьхна ХIинжа-гIалин мэр хиллачу Амировна

ХIинжа-гIалин мэр хилла Амиров СаьIид а, Каспийск-гIалин куьйгалхочуьнан когаметта хилла Джапаров Юсуп а бехке веш сацам тIеэцна Ростох Къилбаседа Кавказан гонан тIеман кхело. И шиъ бехке вина теракт кечъярна а, герз дохка-эцарна а. Амировна 10 шо кхайкхийна судхоша, ткъа Джапаровна кхайкхийна 8,5 шо.
Товбеца-бутт 08, 2014
ПIаьнгаз-чIажара тIеман амир аш-Шишани Iумар

Дукха хан йоцуш гIаттамхойн карахь йолчу Шеман а, Иракъан территореш тIехь кхоьллинчу Халифатан тIеман амир хIоттийна вайнехан къомах волу ПIангаз-чIажара аш-Шишани Абу Iумар. И бахьана долуш иза уггаре а ницкъ болу стаг вуй- те аьлла дIахIоьттина иза Шеман президентан Асад Башаран агIончех летачу тIемалойн хьалханчашна юкъахь.
Мангал-бутт 13, 2014
Къоман бакъонна дIаделла дахар

ГIирмерa гIезалойн хьалханча, Украинин Лаакхарчу Радан депутат Джемилев Мустафа шайн къам махках даьккхина 70 шо кхаьчначул тIаьхьа юха а кхъийсам дIахьош ву Даймахкахь даха шайна бакъо яккха гIерташ. Оьрсийчоьно ГIирма дIалаьцначул тIаьхьа оьрсаша дихкина цунна шен цIа вахар. Кху деношкахь ПрахIехь хилира Джемилев Мустафа.
Мангал-бутт 11, 2014
Ларлуш хила, хьо ши паспорт долуш велахь

Шина пачхьалкхан махкахо хилар хьулдарна гIуда тохарх лаьцначу низамо синтем байина махкал арахьа бехачу вайнехан.
Мангал-бутт 10, 2014
Коррупцин да ю-те FIFA?

Кестта Бразилехь йолалуш ю футболан дуьненан чемпионат. Цуьнца доьзна прессин тидам тIебахана FIFA-н белхана. Футболан Ассоциацин Дуьненаюкъарчу Федерацина а, цуьнан куьйгалхочунна Йозеф Блаттерна а луьра критика йечарех ву вевзаш волу спортан журналист Дженнингс Эндрю. Маршо Радиона ша еллачу интервьюхь цо комментари йира футболан дуьненаюкъарчу федерацино а, цуьнан президенто Блаттера а лелош долчунна.
Стигалкъекъа-бутт 30, 2014
Дуьххьарлера ял елла Оьрсийчура совдегаро Дерпардьёс

Стохка Оьрсийчоьнан совдергар лоруш волчу Депардьё Жерара ял яларан деклараци кечйина даханчу 2013-чу шарахь ша даьккхина ахча гойтуш. Актеро билггал мел ахча даьккхина дуьйцуш дац. Амма ал яларехула болчу говзанчаша дийцарехь, Францера Оьрсийчоьнан махкахочо даьккхина 60 миллион гергга сом.
Стигалкъекъа-бутт 29, 2014
Оьрсийчоьнца керла барт бан лууш ю Абхазера Iедал карчо араяьлла оппозици

Министрийн кабинет дIаса а хеца, инарлан прокурор а, малхбалерчу кIоштийн куьйгалхой а балхара дIа а баха аьлла митинг дIаяьхьна Гуьржийчоьнах дIакъаста гIертачу Абхазера оппозицино Сухумехь. Цу республикан куьйгалхочуьнца дийцарш дIадаьхьначул тIаьхьа Iедал шайн караоьцу шаьш аьлла дIахьедар дина оппозицин лидерех цхьаъ волчу Хаджимба Раула. Хьал чолхе ца далийта Сухуме бахана Оьрсийчоьнан президентан векалш.
Стигалкъекъа-бутт 28, 2014
Донецкехь чевнаш йиначарна юкъахь нохчий бу боху цу гIалин куьйгалхочо

Тахана а билггала хууш дац Донецкехь тIемаш дечу торрорахошна юкъахь нохчий бу-бац бохург. Амма хаамийн гIирсашкахь кху тIаьхьарчу деношкахь къаьсттина тIе тидам бахийтина дуьйцуш ду иза. Ткъа Донецкан мэро дийцарехь, Шинарин дийнахь террорана дуьхьал операци дIахьош чевнаш йинчу нахана юкъахь Нохчийчура нах бу.
Стигалкъекъа-бутт 27, 2014
Нохчийн бIарлагIаш лела Украинехь

Интернетехь гучуяьллачу видео тIехь герзаца болчу наха чIагIдо шаьш «кадыровцаш» ду бохуш. Донецкехь террорахошна юкъахь нохчий бу бохуш, тоьшаллаш до зуламхоша хьийзийначу наха а, хаамийн гIирсаша а. Амма Кадыровс а, Донецкера террорахойн куьйгалхоша а харц бо и хаамаш.
Стигалкъекъа-бутт 21, 2014
Iамерко "Магнитскийн цIейозана" юкъатоьхначу шийтта стагахь шиъ нохчо ву

Iамеркан aинансийн министралло “Магнитскийн цIейозана” юкъатоьхна Оьрсийчура 12 стаг. Царах лаххара а шиъ нохчийн къомах ву.
Стигалкъекъа-бутт 20, 2014
Юха а Кремлера гIело ловш бу ГIирмера гIезалой

Оьрсийчоьно ГIирма дIалаьцначул тIаьхьа вуно вочу хьелашка нисбелла цигара гIезалой. Уьш лууш бацара Украинехь дIакъаста. И бахьана долуш Оьрсийчоьнан Iедалийн оьгIазалла ловш бу уьш кху деношкахь. Кремло хIиттийначу меттигерчу Iедалша ГIирмера гIезалошца лелош ерг ю адамалла доцу политика.
Стигалкъекъа-бутт 08, 2014
Украина хьокъехь таллам бина Iамеркера Pew Research Center-о

Украинехь хIоьттина хьал дуьйцуш хетало и пачхьалкх шина декъе екъалуш ю аьлла. Оьрсийчоьнан пропагандех тешачу нахана хета цу тайпа пачхьалкх хилар ларамаза нисделла хIума ду.
Стигалкъекъа-бутт 07, 2014
Шайн Iуналлехь йолу интернет кхолла лууш ду Оьрсийчура Iедалш

Оьрсийн сенаторо «Чебурашка» цIе йолу шайн «суверененан» интенет кхолла еза Оьрсийчоьно аьлла д1ахьедар дира дукха хан йоцуш. Иза беламе тIеэцнехь а, Кремл, шеко а йоцуш, лууш ю интернетана алсам контрол ян. Маршо Радион корреспонденто Кэйтс Глена материал язйина цунна Iуналла даран кепех лаьцна. Иза тIаьхьакхиа гIерташ ву, царах муьлха кеп гIоле хир ю Оьрсийчоьнна бохучунна. Шамаев Руслана гочйина и материал.
Стигалкъекъа-бутт 06, 2014
Ростох-кIоштахь юха а летта нохчо а, гIазакхий а

Ростохара зорбанан гIирсаш хаам баржийна кху буттена 1-чу дийнахь Усть-Быстрянская-эвлахь нохчийн а, гIалагIазакхийн а тасаладар хилла аьлла. Цара дийцарехь, цигахь герзаш а детташ, тIом бан кечлуш бу хIинца бахархой. Амма Iедалша кхечу аг1ор дуьйцу хилларг.
Стигалкъекъа-бутт 01, 2014
Санкцийн ницкъ а, эгIазалла а

ХIинца Украинехь хуьлург бахьана долуш кхайкхийна санкцеш ца йийцича, ББС-но дийцарехь, кху тIаьхьарчу 50 шарахь Советан пачхьалкхана а, Оьрсийчоьнна а дуьхьал 6-зза кхайкхийна официалан кепара санкцеш.
Охан-бутт 30, 2014
ТIом бечул а гIоле ду санкцеш кхайкхор

Iамеркан Цхьаьнатоьхначу Штаташа керла санкцеш кхайкхийна Кремлна дуьхьал. Вашингтоно цу тайпа сацам бина, Украинин Малхбалехь оьрсашкахьара болу ницкъаш совцор бу аьлла Женевехь шена тIелаьцнарг Москох кхочуш дан дагахь ца хилар бахьана долуш. Цуьнца доьзна кху деношкахь Оьрсийчохь шуьйра хьехош ду «санкцеш» боху дош. Ткъа хьалха муха хилла Оьрсийчоьнна дуьхьал санкцеш кхайкхор? ХIун жамIаш деана цара?
Охан-бутт 15, 2014
Украинина герзаца гIо дан мегаш ду Iамерко

Нагахь хьал гуттар вочу далахь Украинина герз дала мегаш ду Iамерко. Цуьнах лаьцна хаам бина Цхьаьнатоьхначу Штатийн пачхьалкхан секретаран гIоьнчо Шэннон Томаса.
Охан-бутт 14, 2014
Малайзин "Боинг" лохур ду "Блюфин-21" аппарато

КIоргга хи бухула лелачу "Bluefin -21" (Блюфин-21) олучу аппарато хIордан бухахь лохур ю Малайзин «Боингах» йисина кийсигаш. Гергарчу хенахь иза дIакхачор йолуш ю кеманан «Iаьржачу яьшканийн» сигнал карийначу метте. И меттиг ю Индин хIорд чохь 4500 метр кIоргехь.

Хьажа кхин дIа а

XS

SM

MD

LG