Даханчу мукъа деношкахь, полицица тасадаларш а хуьлуш, оппозицин демонстрацеш хIиттира Тбилисехь а, Батумехь а. Гуьржийчоьн парламентан гIаьнтда лаьттинчу «Гуьржийчоьн дерриг халкъан гулам» цIе йолчу боламан лидеро Бурджанадзе Нинос дIахьедар дина, «Гуьржийчоьхь, ма-дарра аьлча, революци дIайолаелла», аьлла. Кхаарин дийнахь, Стигалкъекъа-беттан 25-чохь, Саакашвили Михаилан режим йохо дагахь ду шаьш, аьлла, дIахьедар дина Гуьржийчуьрчу оппозицино.
